OSC చెక్కా?మజాకానా?

బాంకులో ఉన్నాను.గబుక్కున గుర్తు వచ్చింది.తొంభై మూడు లక్షల చెక్కు లాడ్జ్ చెయ్యలేదని.గబ గబా మేనేజరు దగ్గరికి వెళ్ళి చెప్పాను.సర్!నేను పై వారమే రిటైరు అవుతున్నాను కదా!OSC check లాడ్జ్ చేయించలేదు.ఇప్పుడు చేసేస్తాను అని.సరే అన్నాడు.లచ్చన్నను అడిగాను.మళ్ళీ కొంచెం సేపటికి అనుమానం.ఊరికే ఎంటర్ చేసాడేమో!తప్పీదారి దానిని స్లిప్ బండిల్ లో వేసి కుట్టేస్తారేమో!అప్పుడు ఎట్లా?మనమేమో ఇక్కడ ఇన్స్ట్రుమెంట్ వెళ్ళిపోయింది అనుకుంటాము.ప్రొసీడ్స్ రావు.ఎంత వడ్డీ నష్టం!మళ్ళీ సీటు దగ్గరకు వెళ్ళాను.OSC కవరింగ్ షెడ్యూలు వేయించాను.చెక్కు వెనకాల ఎండార్స్ మెంట్ స్టాంపు సరిగ్గా వేసానా అని చూసుకున్నాను.అది లేకుండా పోతే,ఆధరైశేషన్ లేకుండా పాసు కాదు కదా!ఎంటర్ చేస్తే చాలదు కదా,డిస్పాచ్ కావాలి కదా!రాఘవ ఇంటికి వెళ్ళిపోయాడు.వాళ్ళ ఇంటికి బయలుదేరాను.ఇంటి బయటే కనిపించాడు.రండి మేడమ్ అని ఇంట్లోకి తీసుకెళ్ళాడు.జయశ్రీ,పిల్లలు ఏరీ అని అడిగాను.బయటకు వెళ్ళారు మేడమ్ అని అన్నాడు.టపాల్ రిజిస్టరులో ఎంట్రీ వెయ్యాలి అన్నాను.చేసిచ్చాడు.మెట్లు దిగి వచ్చేటప్పటికి దాసు కనిపించాడు.దాసు పోస్ట్ ఆఫీసుకు వెళ్ళి,సరిగ్గా స్టాంపులు అంటించి రిజిస్టరు పోస్టు చేసిరా అని చెప్పాను.అలసి పోయాను.ఆఫీసు నుంచి బయటకు వస్తుంటే రిటైరుమెంటు పార్టీ ఇవ్వాలి కదా అని గుర్తొచ్చింది..ఆ విషయం చెప్పాను.మా వాళ్ళు ఈ రోజు వద్దులే.అందరమూ అలసి పోయి ఉన్నాము.సగం మంది ఇండ్లకు వెళ్ళిపోయారు.రేపు మంచిగా చేసుకుందాము అని అన్నారు.నేను కూడా సరే అని ఇంటికి వచ్చాను.